Dako gid ang tyansa nga indi sa gihapon madayun ang Barangay kag Sangguniang Kabataan Elections (BSKE) sa Nobyembre 2, 2026, sa tion nga magrelease sang temporary restraining order (TRO) ang Korte Suprema sa pagpostpone sang nasambit nga eleksyon subong nga tuig.
Ini ang mismo nga ginpahayag ni Commission on Elections (Comelec) Chair George Garcia sa ginpatigayon nga Finance Subcommittee J budget briefing kahapon nga adlaw, Setyembre 28.
Kasunod ini sang Petition for certiorari and prohibition nga ginfile ni election lawyer Atty. Romulo Macalintal sa Korte Suprema agud mag-isyu ini sang Temporary Restraining Order batok sa implementasyon sang Republic Act No. 12326.
Suno kay Garcia, gilayon nila nga ginpauntat ang tanan nga mga election related activities matapos nga napirmahan ni President Ferdinand Marcos Jr., ang hagna sa pagpostpone sang nasambit nga eleksyon.
Apang pahayag niya, kun ano man ang mangin resulta ukon desisyon sang Korte sa nangin petistyon, handa man ang COMELEC nga magsunod.
