Ginapasiguro sang Department of Trade and Industry nga nagapabilin nga bastante ang suplay sang bottled water sa Pilipinas.
Kasunod ini sang ginpahayag panic buying ukon hoarding sang publiko sa nasambit nga produkto subong nga ginaekspektar ang “super El Niño.”
Suno sa ahensya, padayun man ang ila monitoring kag pagbantay sa mga manufacturers kag distributors sang bottled water agud masiguro nga wala sa mga ini ang maga-abusar sa sitwasyon.
Ginpakigbahin man sang DTI nga imbestigaran man nila ang ginapahayag overpricing sa mga plastic drums, water containers, kag iban pa nga produkto nga mahimo magamit sa pagsugod sang nasambit nga phenomenon.
Dugang pa diri, indi sila magduha-duha sa paghatag sang nagakaigo nga penalidad sa magalapas sa ila pagsulundan kag sa maga-take advantage sa mga konsumidor.
