Ginklaro ni Rovelyn Baterbonia nga iloy sang nagtaliwan nga student-athlete nga si Rene Baterbonia nga wala nya ginapangwartahan ang nangin kamatayun sang iya anak.
Ini matapos nga ginpasangkad pa sini ang memorabilia ni Rene.
Suno sa iya, bisan piso, wala gid sya sang ginpangayo sa publiko ukon sa bisan sin-o man nga mga indibidwal.
Pahayag man sini, halin mismo kay Rene ang ideya nga magbaligya sang mga produkto may kaangtanan sa iya agud mabuligan sila sa ila nga mga kinahanglanun.
Apang gin-ako man mismo ni Rovelyn nga matuod nga may ara sang P30 charge sa magasulod sa mini-museum sang iya anak agud mamintinar ang katinlo sang pasilidad.
Madumduman nga si Rene Baterbonia ang isa sa mga student-athlete nga ginbawian gid sang kabuhi bangud sa ginapahayag drowning incident samtang nagapatigayon sang team building activity ang Men’s basketball team sang Ateneo de Manila University sang Hunyo 2026.
