Ginalauman nga magataas sang 18 pesos ang presyo sang liquefied petroleum gas ukon LPG subong nga bulan sang Oktubre.
Nag-umpisa ang ini nga pagsaka subong nga adlaw sang Sabado, Oktubre 3, para sa una nga bahin, samtang pagasundan ang dugang nga pagtaas sang presyo sa masunod nga semana.
Kun mapatuman na ang tatlo ka bahin nga pagtaas sang LPG, ginabanta nga magalab-ot ini sa P1,600 ang presyo sang isa ka 11 kilogram sang tangke halin sa P1, 400 nga presyo.
Nahibaluan nga ang ini nga pagtaas bangud sa nagapadayon nga gyera sa Middle East, amo man ang wala nagmadinalag-on nga negosyasyon sang peace talk sa tunga sang United States kag Iran.
Apisar may ara sang nagakaigo nga supplay sang LPG, mataas ang contract price kag gastos sa freight bangud sarado ang Strait Hormuz.
