Nagapati si Defense Secretary Gilberto Teodoro nga importante nga may ara sang maplastar nga ebidensya si former Senator Antonio Trillanes IV may kaangtanan sa mga nangin alegasyon sini kay Vice President Sara kag sa pamilya Duterte.
Kabahin diri ang ginpahayag sang anay senador nga pagbatun sang Sara-led group nga Tapang at Malasakit Alliance for the Philippines sang P150 milyon nga kwarta nagikan sa Embassy of the People’s Republic of China.
Suno kay Teodoro, kun may ara sang nagakaigo nga ebidensya nga mapakita si Trillanes nga nagbatun sang minilyon nga kwarta ang bise presidente halin sa China, makabig na ini nga seryoso nga concern sa idalom sang national security.
Madumduman nga sa ginpatigayon nga press conference ni Trillanes, ginbuyagyag man sini nga magluwas pa sang nabatun sang bise presidente, masobra P319 milyon man ang naghalin sa Chinese government kag China-based corporations ang nagkadto sa Cale88, isa ka kumpanya nga ginaangot kay Atty. Manases “Mans” Carpio nga bana ni VP Sara.
Nahibaluan nga nagpatigayon sang press conference ang anay senador kasunod sang wala sini madayun nga appearance bilang testigo sa impeachment trial bangud man sa pagpati niya nga indi sya welcome sa senate impeachment court.
