Nag-init ang tensyon sa tunga sang ginpatigayon nga sesyon sa banwa sang Reina Mercedes sa Isabela may kaangtanan sa financial assistance para sa mga tobacco farmers sang nasambit nga lugar.
Kabahin sa mga nagsabtanay amo ang pila ka barangay officials kag si Reina Mercedes Vice Mayor Harold Respicio.
Ini matapos isa-isa nga ginpamangkot sang bise alkalde ang mga punong barangay kun ano ang mga ginsuguran kag natapos na sang mga ini nga programa sa ginhatag sa ila nga pondo halin sa tobacco excise tax sang nagligad pa nga tuig, apang nagresulta lamang ini sa komosyon.
Nakit-an man nga gintawag pa sang duha ka Partido nga “bastos” kag “magnanakaw” ang kada isa kasunod sang ila nga mga akusasyon.
Gin-akusaran man sang isa ka barangay official ang bise alkalde nga nagabatun lang sang sweldo, apang wala nagaubra sang iya responsibilidad.
Gilayon man nga nagresponde ang mga kapulisan sang mas nag-init ang gamo sa nasambit nga sesyon.
Sa subong, padayun pa nga nagatinguha ang Bombo Radyo Cauyan nga magkuha sang dugang nga detalye kag reaksyon sa mga involved nga opisyal.
