Ginaduso sa Kamara pinaagi sa House Bill No. 11603 ang paghatag sang comprehensive healthcare maintenance coverage (HMO) sa tanan nga mga public school teachers sa idalom sang Department of Education (DepEd).
Ini ang ginapangunahan ni 2nd District Marikina Rep. Miro Quimbo kun sa diin tinutuyo sini nga mapaidalom sa mas mayo nga access ang mga manunudlo sang healthcare sa idalom sang nasambit nga HMO program sa bug-os nga pungsod.
Sa idalom sang nasambit nga hagna, igarequire ang Departmnet of Education nga maggamit sang competitive bidding agud magkuha sang healthcare maintenance coverage halin sa lisensyado kag accredited nga HMO nga may ara sang nationwide network sang mga ospital kag healthcare providers.
Kabahin man sa nasambit nga proposal ang outpatient consultations, laboratory tests, kag diagnostic procedures, inpatient services, emergency care, annual physical examinations, kag mental-health support.
