Nagnubo sang masobra 375, 000 ang numero sang mga wala sang trabaho sa Pilipinas sang bulan sang Agosto suno sa Philippine Statistics Authority ukon PSA.
Base sa Labor Force Survey, naglab-ot sa 2.77 milyon ang unemployed Filipinos sadtong bulan sang Agosto, halin sa 3.14 milyon sang bulan sang Hulyo.
Samtang, nagtaas sa 49.79 milyon ang numero sang mga may trabaho, halin sa 49.21 milyon sadtong Hulyo.
Suno sa PSA, nagapanguna nga rason amo ang pagtaas sang employment ang pagdamo sang mga nagatrabaho sa agriculture kag forestry bangud sa pag-umpisa sang planting season.
Ginsundan man ini sang construction kag wholesale kag retail trade.
Samtang, naglab-ot man sa 5.9 milyon ang underemployed ukon ang may trabaho samtang nagapangita pa sang dugang nga trabaho.
