Isa na ka Dean sang College of Cardinals si Cardinal Luis Antonio Tagle, pro-prefect sang Dicastery for Evangelization’s Section for First Evangelization and New Particular Churches.
Ini ang aprubado naman ni Pope Leo XIV, matapos nga nagresign sa pwesto si Cardinal Giovanni Battista Re nga nagpungko bilang Dean halin sang 2020.
Bilang isa ka College of Cardinals dean, magaserbe ang Filipino Cardinal nga obispo sang Suburbicarian Church of Ostia, samtang magapabilin man bilang Albano bishop.
Si Cardinal Tagle ang nagserbe bilang isa ka senior Vatican official halin sang tuig 2020 kag nangin papal candidate sang May 2025 conclave kun sa diin naeleher si Pope Leo XIV bilang bag-o nga Santo Papa, matapos nga nagtaliwan si Pope Francis.
Nagpalab-ot man sang pagpanginbulahan si Archbishop Midyphil B. Billones, D.D. kag ang bilog nga Archdiocese of Jaro kay His Eminence Luis Antonio Cardinal Tagle sa iya eleksyon bilang Dean sang College of Cardinals.
