Nakakuha sang kahigayunan ang gobyerno sang Pilipinas agud makautang sang masobra 14 billion pesos halin sa World Bank–International Bank for Reconstruction and Development.
Ini agud mapamaayo pa ang water security, supply kag sanitation sa mga lugar sa pungsod nga mabudlay lab-uton.
Sa idalom sang Accelerated Water and Sanitation Project in Selected Areas pagadumalahan ini nga proyekto sang Department of Public Works and Highways (DPWH) kag Department of the Interior and Local Government (DILG).
Magapatukod sang mga pasilidad para sa Water, Sanitation, and Hygiene (WASH) sa Bohol, Siargao, kag Sulu.
Tinutuyo man sini nga pasangkaron ang access sa malimpyo nga tubig kag mahatagan sang solusyon ang problema nga dala sang water scarcity.
Suno sa Department of Finance, kabahin ini sang masangkad nga programa sang World Bank nga pabaskuron pa ang seguridad sa tubig ilabi na nga may ginalauman nga super El Niño.
