Gindugukan sang tuman ka damo nga mga manugbakal ang isa ka warehouse nga nag-offer sang Piso sale, kahapon nga adlaw, Oktubre 10.
Natabo ini sa Dulong Bayan, Poblacion, Santa Maria, Bulacan, kun sa diin makit-an nga nagatikludanay na ang mga indibidwal para lamang makasulod sa warehouse.
Nagtuga man ini sang traffic sa lugar.
Suno sa mga awtoridad, wala sang nagakaigo nga permit ang warehouse agud nga mag-operate.
Nagpangayo man sang pasaylo ang tag-iya sang establisyamento kag nagpromisa nga asikasuhon ang kinahanglanun sini nga mga dokumento.
