Gin-anunsyo ni Pope Leo XIV nga magapaidalom ini sa operasyon matapos nadiskubrehan sang iya mga doctor nga may ara sang ‘localized nodule’ nga nakit-an sa iya lungs.
Suno sa 71-anyos nga Santo Papa, nagdesisyon ini nga ipadayon ang operasyon bangud kinahanglan suno man sa iya nga doctor.
Ginalauman suno sa Vatican nga magalab-ot sa ginabanta isa ka semana ang recovery sang Santo Papa.
Nagalaom man ini sang pangamuyo halin sa publiko nga suno pa sa Santo Papa iya na ginatugyan sa himpit nga pagpangamuyo sa Diyos ang mangin resulta sang iya operasyon.
Nahibaluan nga si Pope Leo ang labing-una nga Amerikano nga Santo Papa matapos ini ma-appoint nga lider sang 1.4 bilyon nga mga katoliko sa bilog nga kalibutan sadtong Mayo 08, 2025.
