Ginsorpresa sang actress nga si Shuvee Etrata ang iya nga ginikanan kag mga kauturan matapos nagbakal ini sang ila labing una nga family car.
Ginpakigbahin sini ang iya nga milestone sa iya nga Instagram nga may caption “We did it. First car for my family.”
Bilang magulang sa siyam nga mag-ululutod kag bread winner sang iya nga pamilya, una na nga ginpakigbahin ni Shuvee ang kabudlayan sini nga ginpang-agyan sa kabuhi.
Apang sang nagsulod ini sa showbiz, madamo sang mga proyekto nga nakuha ang actress rason nga nangin maayo na ang ila nga sitwasyon sa subong.
Sa matandaan nga sang tuig 2025, una na nga nakabakal ang actress sang personal car sini kag sang damlag lang iya man nga ginpakigbahin nga nakatapos na sa kolehiyo ang isa sini ka utod.
