Wala ginakonsidera ni Iloilo Governor Arthur Defensor Jr. ang pagdeklara sang wide state of calamity sa probinsya apisar may yara sang masobra P124 million nga agricultural losses bangud sa drought.
Sandig sa data sang Iloilo Provincial Agriculture Office (PAO), ang drought nakaapekto na sa masobra 3,700 ka ektarya sang agricultural land sa pito ka mga banwa.
Ini ginalakipan sang Lambunao, San Enrique, Dueñas, Banate, Janiuay, Bingawan kag Lemery kun sa diin indi bastante ang ulan nga nagatupa sa mga talamnan.
Sa pito ka mga banwa, Duenas pa lang ang nagdeklara sang state of calamity bangud sa prolonged dry conditions.
Suno kay Gov. Defensor, may yara na sang mitigation measures kag available naman ang pondo para sa emergency interventions.
Ginmanduan man sang gobernador ang Provincial Disaster Risk Reduction and Management Office (PDRRMO) kag iban pa nga concerned provincial departments nga magpreparar sang comprehensive response plan.
Samtang, ginalauman nga mas maglala pa ang epekto sang El Niño subong nga bulan sang Oktubre kag magapadayon pa tubtob sa first quarter sang 2027.
Pahayag pa ni Gov. Defensor, may yara sang mga naga-eksister nga resources ang provincial government nga mahimo pa maggamit sa pag-address sang sitwasyon lakip na ang P82-million quick response fund kag ang P138-million trust fund, subject sa applicable regulations.
Ang nasambit nga P220 million mahimo makasuporta sa emergency water distribution, agricultural assistance kag iban pa nga interventions para sa mga maapektohan sang malawig nga dry conditions.
Ginakonsidera man sang provincial government ang pagpain sang pondo para sa gatong nga maka-operate sang fire trucks kag iban pa nga government vehicles nga maggamit sa pag-transport sang tubig sa mga komunidad nga maka-eksperyensya sang kakulangan.
Posible man nga mahatag ang pumping equipment kag logistical assistance agud makabulig sa mga banwa nga may yara sang access sa mga bubon kag iban pa nga water sources.
Magluwas sa agricultural damage kag water shortages, ginapreparar man sang provincial government ang mga tikang agud maproteheran ang mga residente gikan sa tuman ka init sang panahon.
Lakip na ang restrictions sa outdoor activities, establishment sang air-conditioned facilities para sa mga tawo nga may balatian, kag energy conservation measures sa government offices.
BY: BOMBO LYN-C BADE
