Nagpabutyag sang bug-os nga suporta ang Iloilo State University of Fisheries Science and Technology para sa Dugong Bombo 2026.
Sa interview sang Bombo Radyo kay Dr. Nordy Siason, presidente sang unibersidad, iya ginpahayag nga isa ini ka maayo nga kahigayunan para sa ila nga mapakita nga madamo sang sarang mahimo sang ila mga estudyante agud makabulig sa komunidad.
Suno kay Siason, subong pa lang, ginapreparar na nila ang mga salakyan para sa mga potential blood donors.
Gin-agda man sini ang iban nga mag-upod man sa Dugong Bombo 2026.
Ang Dugong Bombo bilang isa ka makahulugan nga programa sang Bombo Radyo Philippines, in partnership with Bombo Radyo Philippines Foundation, Inc. kag Philippine Red Cross, ang dululungan nga patigayunon sa Nobyembre 14, 2026 sa bilog nga pungsod kun sa diin may yara sang Bombo Radio kag Star Fm Stations.
Dito sa Iloilo, ang venue amo ang Iloilo Science and Technology University, La Paz, Iloilo City.
Ang mga successful blood donors ang makabaton sang limited-edition kag specially designed Dugong Bombo T-shirt, vitamins, kag hot meal.
𝗗𝘂𝗴𝗼𝗻𝗴 𝗕𝗼𝗺𝗯𝗼 — 𝗔 𝗟𝗶𝘁𝘁𝗹𝗲 𝗣𝗮𝗶𝗻, 𝗔 𝗟𝗶𝗳𝗲 𝘁𝗼 𝗚𝗮𝗶𝗻!
