Naghalad sang pangamuyo ang mga lider sa kalibutan, mga katoliko, mga matag-as nga opisyal sang Vatican agud mapadasig ang pag-ayo ni Pope Leo XIV matapos nga ma-diagnose ini nga may lung cancer.
Na-diagnose ang 71-anyos nga Santo Papa sang lung adenocarcinoma, isa ka ordinary type of cancer sa baga, matapos ginkuha sang doctor ang idalom nga bahin sang right lung sini.
Pila sa mga nagpalab-ot sang mensahe sa Santo Papa amo si U.N. Secretary-General António Guterres nga nagsiling nga nagapangamuyo gid ini para sa recovery ni Pope Leo.
Nagpalab-ot man sang kaangay nga mensahe si U.S. Secretary of State Marco Rubio nga nagsiling nga nagaupod sila sa tingog nga pagpangadi para sa santo papa kasunod sang diagnosis.
Samtang, ginalauman naman nga magapabilin sa ospital si Pope Leo sang ginabanta isa ka semana, samtang ginkanselar naman ang tanan sini nga public acrivities tubtob Oktubre 20.
Indi pa sigurado kun madayon ang pila sini ka natalana nga pagbisita sa Uruguay, Argentina kag Peru halin Nobyembre 6 tubtob 17.
