Ginpunto ni House prosecutor Terry Ridon nga wala pa natapos ang mga imbestigasyon may kaangtanan sa fictitious name nga Mary Grace Piattos, sa pihak sang nagalapta nga mga meme nga “dropped in peace.”
Ini matapos ginbawi ang tatlo ka impeachment charge batok kay Vice President Sara Duterte.
Suno kay Ridon, nagapadayon pa ang mga proseso sa Commission on Audit (COA) kag Office of the Ombudsman may kaangtanan sa mga pangalan nga ginakilala nga fictitious ukon indi matuod.
Ginmitlang man ni Ridon ang ginapahayag nga P818 milyones nga indi maathag ang ginhalinan, nga gina-angot kay VP Sara kag sa iya bana nga si Atty. Mans Carpio.
Suno sa iya, indi na lamang fictitious ang mga ngalan nga nadalahig sa imbestigasyon bangod nagatudlo na ini sa matuod nga mga tawo, lakip ang isa ka opisyal sang gobyerno nga mahimo ma-impeach.
