Ginbawian gid sang kabuhi ang isa ka iloy kag iya duwa ka mga anak matapos ginbungguan sang isa ka nagahagunos nga tractor ang ginasakyan nila nga motorsiklo sa Brgy. Puntod, Cagayan de Oro City.
Ang mga biktima amo ang 72-anyos nga iloy kag ang iya kabataan nga sanday Marlon Baspin kag utos nga si Marjohn.
Mga residente sang Valencia City, Bukidnon ang mga biktima.
Matapos ginbungguan, nagpalagyo pa ang driver sang tractor kag ang tatlo pa niya nga kaupdanan.
Base sa imbestigasyon, nagaangkasanay sa motor ang mga biktima sang hinali lang nga nang-agaw sang linya ang nagasugata nga tractor kag nabungguan ang motorsiklo.
Ginsalakay pa sang tractor ang iban pa gid nga mga salakyan.
Naggwa man sa imbestigasyon nga hubog ang mga suspek bangud may nakit-an nga botelya sang ilimnon sa tractor kag ice nga wala pa natunaw.
Padayon pa ang manhunt operation sa mga suspek.
