Ginpabutyag ni Iloilo City Vice Mayor Lady Julie Grace Love-Love Baronda nga mas manubo ang 2027 proposed budget para sa iya opisina kun ikumpara sa mga nagligad nga vice mayor.
Suno kay Baronda, nagapabilin sa P4.8 billion ang proposed budget para sa 2027, apang tuman ka layo ang pondo sang iya opisina sa iya ginalauman kuntani.
Ginpahayag man ni Baronda nga wala na siya nagalaum nga mahatagan sang capital outlay sa idalom sang proposed budget, gani nagalaum na lang siya nga mahimo ini nga konsiderahon sa supplemental budget.
Pero suno sa iya, sang nagpropose siya sang nagligad nga tuig, wala man ini gin-aprubahan.
Apang, gin-ako man niya bangud wala sang capital outlay, wala sang procurement nga mahimo ang iya opisina sa 2027.
Samtang, igapasa naman ang proposed budget sa City Council kag i-refer sa Committee on Appropriations para sa pagtuon, report kag rekomendasyon.
Ginalauman ni Baronda nga maaprubahan ang 2027 budget antes matapos ang sini nga tuig, suno sa naandan nga proseso sang konseho.
