Preparado ang prosekusyon nga isumiter sa Office of the Ombudsman ang ginakabig nila nga ebidensya sa tatlo ka impeachment articles batok kay Vice President Sara Duterte nga una na nila nga ginwithdraw sa Senate Impeachment Court sang Oktubre 13.
Ini ang ginkumpirma mismo ni Lead House Prosecutor Rep. Gerville Luistro.
Pasalig sang kongresista sa publiko, mapuslan gid sa gihapon ang mga withdrawn articles may kaangtanan sa alleged confidential fund misuse ni VP Sara, grave threats, kag bribery.
Kasunod ini sang nangin pahayag ni Ombudsman Boying Remulla nga handa sila nga imbestigaran ang mga alegasyon sa bise presidente nalakip na ang ginapahayag unexplained wealth sini.
Sa subong, wala pa sang pormal nga koordinasyon ang Office of the Ombudsman kag ang Prosecution sa nasambit nga mga tikang batok kay Vice President Sara Duterte.
