Naglab-ot sa masobra P1 milyon ang balor sang suspected shabu nga nakumpiskar sang kapulisan nga may bug at nga 153 grams sa ginpatigayon nga drug buy-bust operation sa Barangay Tacbuyan, Estancia, Iloilo, pasado alas-1:00 kaina sang kaagahon, Oktubre 16.
Ginkilala ang subject kay alyas Jason, 29 anyos, kag residente sang Barangay Paon, Estancia.
Suno kay PLt. Adrian Baligod, hepe sang Estancia Municipal Police Station (MPS), halos duha ka bulan nila nga ginmonitor ang suspek antes ini nadakpan sa operasyon.
Dugang pa ni Plt. Baligod, nalakip ang suspek sa BADAC report kag ginakabig nga High Value Individual (HVI) sa kampanya sang kapulisan kontra iligal nga droga.
Sa karon, detained na ang suspek sa Estancia MPS kag nagapangatubang sang kaso bangud sa ginapatihan nga paglapas sa Republic Act No. 9165 ukon Comprehensive Dangerous Drugs Act of 2002.
Text by: Bombo Jay Panizales
