Mainit nga nagbaisay sanday Vice Mayor Lady Julie Grace “Love-love” Baronda kag Councilor Romel Duron sa 41st Regular Session sang Iloilo City Sangguniang Panlungsod, subong nga adlaw, Oktubre 21.
Nag-ugat ang mainit nga komprontasyon sa tion sang deliberasyon sa resolusyon ni Duron nga i-adoptar ang DILG Legal Opinion No. 95, series of 2025 sa Internal Rules and Procedure (IRP) sa konseho.
Ang DILG Legal Opinion No. 95, series of 2025, nagasiling nga limitado ang legislative function sang bise-alkalde.
Ginpunto ni Duron nga apektado man sang nasambit nga opinion si Cebu City Vice Mayor Tomas Osmeña.
Dugang pa, ginlamodan sang lango-lango ni Duron ang nasambit nga deliberasyon nga suno sa iya abyan ni Baronda si Osmeña.
Apang, nasaklaw si Baronda sa ginhaboy nga tinaga ni Duron kag ginhatagan niya ini sang assignment nga ikumparar ang sitwasyon kung kaalyado sang mayorya si Osmeña ukon pareho sa iya nga miyembro sang minority bloc.
Madasig man nga nagsabat si Duron nga indi ini pagsuguon sang iya nga dapat ubrahon.
Ginpunto sang bise alkalde nga bangud gin-copy lamang ni Duron ang ordinansa dapat nakahibalo ini sang tanan bangud nga kaangay gin-research niya man ini rason ginkwestisyon sini kun ngaa indi pwede hatagan sang assignment si Duron.
Ginsabat ni Duron si Baronda nga indi siya sini suluguon rason nga indi niya ini pagmanduan.
Gintawag naman ni Baronda si Duron bilang isa ka arogante.
Bangud sini nagpadayon ang mainit nga diskusyon sa konseho.
