Gin-engganyo ni Senador Robin Padilla ang mga kritiko sang Chinese Ambassador nga si Jing Quan nga personal ini nga estoryahon agud nga mas makilala pa ang diplomatiko.
Ginpunto man sang Senador nga wala nagpamahog ang ambassador batok sa Pilipinas.
Suno kay Padilla, makonsiderar nga edukado kag gentleman si Quan base sa ila nga personal nga pag-estoryahanay sa ASEAN-Chinese Business Leaders Summit.
Samtang, ginpahayag sang senador nga wala sini tuman nga gintalakay ang kontrobersyal nga mga pahayag sang ambassador bangud na-utod na ang ila nga pag-estoryahanay.
Ginkwestyon naman ni Philippine Coast Guard spokesperson for the West Philippine Sea Commodore Jay Tarriela ang pahayag ni Padilla.
Suno kay Tarriela, lakip sa mga una nga pahayag ni Quan ang pagpamahog sini nga mapierde ang Pilipinas kun maggamit sang pwersa ang China, gani suno sa iya nga indi ini pwede nga wala lang.
Ginkwestyon man ni Tarriel kun nagakaigo na ang personal nga pagpakig-estorya agud maintindihan ang bahin sang ambassador.
