Ginpahanumdom sang mga eksperto ang importansya sang pagkinot sa tubig samtang ginapaabot ang tuman ka init nga tyempo nga dala sang “strong to very strong El Niño.”
Suno kanday University of the Philippines Resilience Institute (UPRI) executive director Mahar Lagmay kag Metropolitan Manila Development Authority (MMDA) Chair Don Artes, makakinot sang tubig paagi sa paggamit sang tunga lang sang kinaandan nga ginagamit sa pagpaligo kag pag-toothbrush, pati man ang pagkolekta sang rainwater sa mga ulubrahon sa puluy-an.
“While we still have water, let us not waste it. Let us cut our usual bathing time in half. When brushing our teeth, let us also use only half the amount of water we normally use,” pahayag ni Lagmay.
Iya man nga ginpahayag nga makabulig sa mga otoridad ang mga science-based forecasts kag historical data para makahimo sang desisyon kag specific measures sa pagpreparar sa weather phenomenon.
“If we listen to scientific advice and remain cautiously optimistic about the data we are seeing, we have a better chance of getting through this,” siling ni Lagmay.
Dugang pa sini, nakadepende man ang epekto sa pagresponde sang publiko samtang iya ginahangkat ang mga ini nga mangin “cautiously optimistic” natuhoy sa available data.
Madumduman nga nag-abiso si President Ferdinand Marcos Jr. sa publiko nga magbakal sang mga extra nga balde kaangot sa preparasyon sa water shortages sa ginalauman nga drought nga mabatyagan sa una nga bahin sang 2027.
