Nagpahanumdom ang Council for the Welfare of Children (CWC) sa media nga mangin matinahuron kag magpabilin nga matarong ang mga palamangkutanon sa mga child performers.
Ini matapos ang gintawag nga “inappropriate” nga mga pamangkot sang isa ka reporter sa 12-year-old artist nga si Kanye Avendaño.
Suno sa CWC Undersecretary kag Executive Director V Angelo Tapales , indi dapat pagkalimtan ang kinamatarong sang isa ka pamatan-on apisar isa ini ka public performer, kundi dapat nga paga-proteksyunan ang ila nga dignidad kag seguridad.
“A child’s role as a performer must never overshadow their rights as a child,” siling ni Tapales.
Dugang pa sini, dapat man nga mangin responsable ang mga content creators kag event organizers paagi sa pag-observe sang ila nga Guide for Media Practitioners on the Reporting and Coverage of Children agud nga matun-an sang mga ini ang “ethical and child-sensitive reporting”.
“Responsible media engagement does not limit meaningful conversations; it ensures that these conversations respect the rights and developmental needs of children,” pahayag sang Council.
Madumduman nga ginpamangkot si Avendaño sa isa ka press conference kun interesado ini nga mag-intra sa adult-themed platform nga Vivamax (VMX) sa tion nga makalab-ot ini sa legal nga pang-edaron, kun sa diin ginsaway naman gilayon sang actor nga si Zaijian Jaranilla ang reporter kag nagpanindugan nga minor pa si Avendaño gani dapat mangin sensitibo sa pamangkot.
