Ginbali ni House trial adviser kag spokesperson Robert Ace Barbers ang nagalapta nga pahayag sa social media kun sa diin ginaalegar ginadalian lang ang impeachment trial ni Vice President Sara Duterte samtang ginalauman ang pagbisita ni President Donald Trump sa pungsod.
Suno kay Barbers, madugay na nga na-schedule ang impeachment trial sandig sa naaprubahan nga trial order kag wala sang kamatuoran ang mga espekulasyon.
“Walang katotohanan ‘yan, dahil ang scheduling ng ating paglilitis diyan sa ating impeachment court ay nakabase doon sa naaprubahang trial order mula sa ating clerk of court,” suno sa spokesperson.
Dugang pa niya, wala naga-intra ang Malacañang sa proseso sang paghukom sa bise presidente kag nagsugtanay ang prosecution kag defense panel sa mga paga-atubangon nga issue, ebidensya, mga testigo kag dokumento nga mapakita sa Senate Impeachment Court.
Nahibaluan nga natalana nga magbisita si Trump sa ika-49 na Association of Southeast Asian Nations (ASEAN) Summit sa Manila sa Nobyembre 15-17, 2026.
Maga-resume naman ang proceedings sa impeachment court sa Nobyembre 9.
