Wala nakulbaan nga mag-atubang si National Bureau of Investigation (NBI) Director Melvin Matibag sa cyber libel complaint ni Davao City 1st District Rep. Paolo “Pulong” Duterte nga ginpasaka subong nga adlaw, Oktubre 23.
Suno kay Matibag may yara sang kinamatarong si Duterte nga magpasaka sang reklamo kag indi sini nga mahimo mapunggan ang lihok sang nasambit nga kongresista.
“We should respect the process, trust the evidence and at the end of the day shall be truth and justice,” suno sa NBI director.
Iya naman nga gindepensahan ang pag-handle sang NBI sang imbestigasyon batok sa alegasyon ni Rodulfo Gracioso Jr., nga gin-imbitahan sang pila ka beses sang ahensya si Duterte agud nga mapamatud-an ang iya nga bahin.
Si Gracioso amo ang nag-alegar nga nagdul-ong siya sang mga maleta nga may kwarta sa pamilya Duterte suno sa mando ni former House Speaker Lord Alan Velasco.
Padayon naman ang imbestigasyon sa mga alegasyon batok sa mga Duterte samtang nagahulat na lang siya sa kopya sang complaint affidavit.
