Indi pagbatunon ni Acting Communications Secretary Lino Cayetano ang resignation ni Palace Press Officer Claire Castro.
Ginkumpirma ini ni Cayetano sa isa ka pahayag subong nga adlaw, Oktubre 23, kadungan sang gin-file nga courtesy resignation sang tanan nga undersecretaries kag assistant secretaries sang Presidential Communications Offfice (PCO).
Wala man sang ginhatag nga timeline si Cayetano sa pag-akto sa iban nga opisyal nga may tinutuyo nga magbuya man sa pwesto.
Kasunod sini, sunod-sunod man ang pagdayaw ni Cayetano kay Castro kun sa diin gintawag niya ini nga “treasure” sang gobyerno kag gindayaw man ang abilidad sini sa idalom sang administrasyon.
Madumduman nga nangin PCO head si Cayetano sang gin-appoint ini ni President Ferdinand Marcos Jr., sang Oktubre 11 matapos sini ginbuslan si Dave Gomez.
Nahibaluan nga ini na ang ika-3 nga leadership transition ni Castro halin sang nakasulod ini sa PCO.
Dugang pa ni Cayetano, maga-agi sa nagakaigo nga proseso ang mga resignation samtang yara siya sa posisyon.
