Nagplastar sang safety guidelines ang Department of Labor and Employment (DOLE) paara sa ikaayo sang mga delivery drivers sa tunga sang epekto sang “very strong” El Niño.
Nagpakig-angot ang ahensya sa mga tiglawas sang nagkalain-lain nga online platforms para madiskusyunan ang kaayuhan sang mga riders samtang nagapadayon ang tuman ka init nga tyempo.
Lakip sa guidelines amo nga ginatugutan nga ma-extend ang delivery time kag scheduling deliveries sa mga tion nga indi na tuman ka init. Samtang, posible nga iga-suspend ang deliveries kun tuman ang kainiton.
“Lalabas sa app nila na ganito kainit, puwedeng hindi tanggapin ang delivery, at aabisuhan din yung customer na ma-late dahil sa sobrang init,” suno kay DOLE Secretary Francis Tolentino.
Padayon naman nga ginatun-an sang ahensya nga ilakip sa guidelines ang riders sa ride-hailing apps.
Sa pihak sini, madamo sa gihapon ang nagkabalaka sa pag-cancel sang pila ka bookings, bangud sa posibilidad nga maapektohan ang ila nga status sa app.
“Pag nag-cancel kami, kami mawawalan ng booking, yung account namin hihina… wala kami magagawa pag mainit kailangan pa rin namin maghanap buhay,” suno sa isa ka delivery rider.
Kaangot diri, nakabutang sa guidelines nga wala man sang ipatuman nga penalidad kun ma-cancel ang delivery bangud nabutang sa katalagman ang kabuhi sang rider.
“We are also going to make sure our partner riders are safe and taken care of during El Niño,” suno sa InDrive Country Public Policy kag Government Affairs Manager nga si Reini Evangelista.
Sa karun, padayon naman nga nagpangayo sang suporta ang DOLE sa mga kumpanya para sa mga delivery riders.
