Ginpahayag sang Department of Budget and Management (DBM) nga makakinot sang masobra P10.74 billion ang gobyerno kun igapatuman halin 56-anyos pasaka sa 57-anyos ang compulsory retirement age sang mga personnel sang nagkalain-lain nga ahensya sang gobyerno.
Lakip diri ang Philippine National Police (PNP), Philippine National Police (PNP), kag Bureau of Fire Protection (BFP).
Suno kay DBM Chief Budget and Management Specialist Reynaldo Moreno sa hearing sang Senate Committee on Public Order and Dangerous Drugs, posible nga maglab-ot ang savings sa P7.34 billion para sa PNP; P1.72 billion para sa BJMP; kag P1.68 billion para naman sa BFP.
“Sa kabuuan po, P10.74 billion ‘yung estimated savings na aming na-kwenta,” dugang pa niya.
Apang dugang sang DBM official, makadugang man sa galastuhon sang gobyerno ang pagpasaka sang retirement age sang mga uniformed personnel para sa ila nga additional pay kag allowances, ilabi na para sa fiscal year 2027.
Pahayag pa sini, magalab-ot ini sa P1.18 billion para sa 1,210 PNP positions; P386 million para sa 271 BFP positions; kag P258 million para naman sa 546 BJMP positions.
Ginkwestyon naman ni Senate President Pro Tempore Vicente “Tito” Sotto III kun magaresulta sang deferred monthly retirement pension para sa mga personnel sang PNP, BJMP, BFP ang mga projected savings, nga ginsabat naman sang opisyal.
“Mr. Chair, dahil nga po ‘yung bilang na nabanggit ko sa possible na extension na isang taon, ‘yun po ‘yung kapalit naman po…kasi mas made-delay ‘yung implementation,” sabat ni Moreno.
