Ginkadismaya gid sang isa ka senior citizen nga nadula ang ginhalad niya nga bulak kag kandila sa lulubngan sang iya himata sa Tanza Public Cemetery.
Sa interview sang Bombo Radyo kay Andrie Buhat, iya ginpahayag nga ginkatingala sang tigulang nga sang nagbalik siya, wala na ang mga bulak sa pantyon.
Nagpangabay man ini sa mga indibidwal nga respetuhon ang mga minatay kag indi pagkawaton ang mga butang nga ginahalad sa ila mga himata.
Una na nagpaandam ang mga pulis nga possible gid mapasakaan sang reklamo ang sin-o man nga madakpan nga nagapangkuha sang mga items nga ginahalad sa mga pantyon.
