Apisar wala na nila madumduman ang nawong sang ila iloy, bangud bata pa lang ginbayaan na sila, wala nagakalipat si Mary Grace kag ang iya utod sa pagdumdom sang ila iloy subong nga adlaw sang Pista Minatay.
Sa interview sang Bombo Radyo kay Mary Gace, iya ginpahayag nga pangalan lamang kag edad sang ila iloy ang ila nadumdoman diri.
Suno kay Mary Grace nga nagkaniya kaniya na ang ila palangabuhi, wala na sila ka updanay lakip na ang ila amay nga sa subong sa Manila na.
Ginpaambit man niya nga permi man niya ginabisita ang ila iloy kada pista minatay kun sin-o sa ila ang indi saku kag bakante.
Dugang pa niya nga apang bisan nagbinulagay sila kag ang ila amay na lang ang nagagiya sa ila nga mag-utod padayon man gihapon ang respeto kag pagpalangga sa isa kag isa.
