Naglab-ot sa 25 ka passenger flights sa nagakalain-lain nga bahin sang Europa ang nakabaton sang bomb threats, rason nga nagpatuman sang emergency security checks kag nag-divert ang pila ka eroplano sa lain nga airport.
Ini na ang ikaduha ka bes sa sulod sang isa ka semana nga natabo ang ini nga pagpamahog kun sa diin naapektuhan ang mga flight pakadto sa Milan, Rome, Paris kag Prague.
Pila man ka eroplano ang napilitan nga mag-take off sa lain nga airport samtang ang iban naman ang nagpa-escort sa mga fighter jhet bilang pagpatuman sang safety measures.
Lakip man sa mga pungsod nga naapektuhan amo ang mga Italy, Bulgaria, Spain, Czech Republic, Denmark, Poland kag Romania.
Sa kaangot sini, wala pa sang may nakit-an nga bomba ukon iban pa nga kagamitan sa gin-check na nga mga eroplano.
Gina-angot naman sang pila ka opisyal sang Europe ang mga kaangay nga insidente sa posible hybrid attacks nga gina-angot sa Russia.
