Nagbiya sa iya puwesto si Paraguayan President Santiago Peña kasunod sang krisis sa Ueno Bank nga nagresulta sa indi na pagka-access sang milyon-milyon nga kliyente sa ila kwarta.
Nagsugod man ang impeachment proceedings batok sa presidente matapos magpasaka sang reklamo ang 35 ka mamalidha halin sa oposisyon kag pila ka miyembro sang iya mismo nga partido.
Lakip sa mga alegasyon ang seryoso nga pagpabaya sa iya katungdanan.
Ang Kongreso na ang magadesisyon kun batonon ukon indi ang pagbiya ni Peña, nga nagserbisyo bilang presidente halin Agosto 2023 para sa lima ka tuig nga termino.
Ginapaabot nga si Vice President Pedro Alliana ang magabulos sa iya bilang bag-o nga lider sang pungsod.
Madumduman nga nagbisita si Peña sa Pilipinas sang Mayo 11–12, 2026, kun sa diin ginkasugtan sang duha ka lider ang pagpasangkad sang kooperasyon sa negosyo, investment, agrikultura kag food security.
