Ginpromisa ni United States President Joe Biden ang matawhay nga transfer of power kay president-elect Donald Trump.
Kabahin ini sang kaundan sang labing-una nga speech ni Biden matapos nga nalutos ang ila kandidato sa Democratic party nga si Vice President Kamala Harris sa kamot ni Trump nga amo man ang 45th president sang Estados Unidos.
“Yesterday, I spoke with President-elect Trump to congratulate him on his victory. I assured him that I would direct my entire administration to work with his team to ensure a peaceful and orderly transition. That’s what the American people deserve,” suno sa current president.
Gin-iimbitahan man sang 81-anyos nga presidente si Trump nga magbisita sa White House — isa ka courtesy nga wala ginhimo ni Trump sang ginlutos siya sang Democrat leader sang 2020.
Ginpakalma man ni Biden ang iban nga Americans nga wala nalipay sa resulta sang eleksyon.
Sa iya speech sa White House Rose Garden, ginsiling sini nga dapat respetuhon kun ano ang ginpili sang bilog nga nasyon.
Diri man kag nagpanawagan siya sa pag-isa sang Amerika kag indi na magpahulom pa sa partisan election.
“Something I hope we can do no matter who you voted for is see each other not as adversaries but as fellow Americans, bring down the temperature,” kabahin sang speech. “I also hope we can lay to rest the question about the integrity of the American electoral system. It is honest, it is fair, and it is transparent. And it can be trusted, win or lose.”
May mga kritiko nga nagabasol kay Biden bangud magapa-reelect kuntani ini subong nga tuig, apang ulihi na nag-atras kasunod sang matunog nga panawagan sang Democrats.
Naatrasar man ang kampanya ni Harris, apang apisar sini, gindayaw ni Biden ang pagkampanya sang bise-presidente kag ang batasan sini bilang isa ka lider.
“A defeat does not mean we are defeated. We lost this battle. The America of your dreams is calling for you to get back up. That’s the story of America for over 240 years and counting,” suno kay Biden.
Kahapon pa sang nag-concede si Harris. Gin-deliver ang iya concession speech sa iya alma mater nga Howard University sa Washington DC kag una naman nagkomiter sang matawhay nga transfer of power sa masunod nga administrasyon.#
