DUMANGAS, ILOILO – Nagdangat sa 73 ang nangin successful blood donors sa ginpatigayon nga Dugong Bombo sa banwa sang Dumangas subong nga Biyernes, Enero 8.
Ang bloodletting activity ang ginpatigayon kaupod ang local government unit, Liga ng mga Barangay- Dumangas Chapter, kag Philippine Red Cross.
Sa interview sang Bombo Radyo kay Dumangas Mayor Ronaldo Golez, iya ginpahayag nga isa ini ka maayo nga panugod para sa tuig 2021.
Ginkalipay ni Golez nga ginsakdag sang mga pumuluyo ang aktibidad.
Tinuig na nga ginapatigayon ang “Dugo Mo, Kabuhi Ko” nga programa suno kay Golez apang subong wala sa gihapon nagabag-o ang pagkinahanglan sang dugo ilabi na sa mga mga barangay sa nasambit nga banwa.
Sa subong, ginatinguhaan sang local government unit nga mapatigayon ang bloodletting activity sa tagsa ka bulan kaupod ang lain-lain nga mga sektor.
