MANILA – Nagapadayon ang kampanya sang rice farmer groups agud makatipon sang 1 million nga pirma agud ibasura ang Rice Tariffication Law nga amo ang ginatudlo sang pagpamigado sang local farmers.
Suno kay Cathy Estavillo sang local rice policy advocacy group nga “Bantay Bigas”, madamo nga rice farmers sa subong ang nalumos sa utang bangud sa tuman ka barato nga farmgate prices sang palay.
Ginpahayag ni Estavillo nga santo sa ila pagtuon, kun P17 ang per kilo, magalab-ot lamang sa P133 kada adlaw ang kita sang rice farmers.
Apisar sini, ang retail price sang bugas ang nagapabilin sa mataas nga presyo bangud nga indi available ang P27 per kilo kag ang P32 per kilo nga rice variants nga ginabaligya sang National Food Authority antes ginpatuman ang nasambit nga layi.
Bangud sini, ginpahayag ni Danilo Ramos, presidente sang Kilusang Magbubikid ng Pilipinas, nga nagakadapat na nga dulaon ang Rice Tariffication Law.
Magluwas diri, ginapanawagan man sang grupo nga baklon sang National Food Authority ang local rice sa presyo nga indi magnubo sa P20 per kilo kag ibaligya sa merkado sa barato nga presyo.
