Nagahimo na sang mga tikang ang presidente sang Association of Barangay Captains (ABC) sang Distrito sang Lapuz, Iloilo City kasunod sang na-eksperyensyahan nga baha sa amo nga lugar.
Sa interview sang Bombo Radyo kay Punong Barangay Arnel Asturias, ABC president sang Distrito sang Lapuz, iya ginpahayag nga nakig-istorya na ang talatapan sa Iloilo City District Engineering Office (ICDEO) bangud sila man ang nakabalo sa solusyon sa mga ginabaha nga lugar.
Suno kay Asturias, ginasunod sini pangsekyar ang mga drainage sa amo nga lugar agud masiguro nga indi na mabaha sa tion sang tig-ululan.
Dugang sini nga may mga posyon sa ila drainage nga madugay mag-subside ang tubig-baha apang ginapangitaan na sang paagi agud masolusyonan.
Plano naman sang natungdan nga butangan sang screen ang pila ka mga kanal agud nga malikawan nga magbara ang mga basura.
