Napaslawan si Abegail Rait nga makakuha sang pwesto sa barangay sa bag-o lang nagtakop nga 2023 Barangay and Sangguniang Kabataan Elections sa Imus, Cavite.
Sa piniliay sa pagka-barangay kagawad sa Toclong 2-B sa Imus, nagpang-walo lamang ini apang madasig man ini nga nagpanginbulahan sa mga nagdaog kag nagpasalamat sa iya sumalakdag.
Nag-post man ang iya 15-anyos nga anak nga si Gaile Francesca sang mensahe bilang suporta kay Rait: “We won’t close the book but will turn the page and begin new chapter together.”
Si Rait amo ang anay flight attendant nga nangin kontrobersyal sang damlag lang bangud sa pagguwa sini kag pagbuyagyag nga ka-relasyon niya anay ang OPM rapper nga si Francis Magalona.
Ginsapubliko man sini nga si Gaile Francesca amo ang nangin bunga sang ila paghigugmaanay.
Marso 6, 2009 sang napatay si Francis M. sa edad nga 44 bangud sa ginsuprer nga acute myeloid leukemia. #
