ILOILO CITY – Natuman ang isa sa mga nakasulat sa bucket list sang isa ka abogada, matapos nangin sucessful blood donor sa Dugong Bombo 2017.
Sa interview sang Bombo Radyo kay Atty. Defra Jane Belloso, legal supervisor sang National Police Commission (NAPOLCOM) Region 6, iya ginpahayag nga first time niya nga mag-donate sang dugo.
Sang iya nahibaluan ang tuhoy sa Dugong Bombo, wala siya nagduha-duha nga magpakigbahin agud nga maka-eksperyensiya man kun ano ang pamatyag sang naga-donate sang dugo.
Magluwas diri, iya man gin-engganyo ang iban nga indi magkahadlok nga magdonar sang dugo, sa baylo gamiton ini nga inspirasyon sa paghimo sang maayo sa isig katawo.