Nag- abot na sa siyudad sang Iloilo ang abogado sang apat ka mga indibidwal nga nagkaladakpan nga nagpangawat sang cellphones kag wallet sa tunga sang selebrasyon sang Dinagyang Festival.
Ang mga arestado amo ang maglive- in partner nga sanday alyas Maricar kag alyas Alog; ang ila financer nga si alyas Kevin; kag ang isa ka menor de edad nila nga upod nga yara sa paghinakop sang City Social Welfare Development Office (CSWDO).
Ang apat ang lunsay mga residente sang Tondo, Manila.
Suno kay Inot, bangud posible organisado nga grupo ang mga arestado rason nga makasarang sila mag- hire sang abogado.
Apang bangud nga holiday subong, wala nakaproseso sang papeles ang ila nga abogado apang inisyal naman ini nga nakaistorya sa iya mga kliyente kag tuyo nga magpyansa sa mga kaso nga amo ang mga paglapas sa Presidential Decree 1612 ukon Anti-Fencing law; kag Section 11 sang Republic Act 9165 ukon Comprehensive Dangerous Drugs Act of 2002 matapos makuhaan man sila sang illegal nga droga.
Sa subong, padayon pa ang pagpangita sang mga kapulisan sa apat nila ka mga kaupdanan.
