Gin-endorso sang principal counsel sang drug war victims ang duha ka mga medical expert nga makabulig sa pagtumod sa overall fitness ni former President Rodrigo Duterte.
Gin-file ni Atty. Paolina Massida ang request sa International Criminal Court-Pre-Trial Chamber I sang Nobyembre 10.
Pareho nga eksperto sa neuropsychology ang iya gin-endorso nga suno sa iya may relevant credentials kag may ikasangkol nga ma-appoint agud mag-upod sa panel of experts nga amo ang mag-conduct sang medical examination.
Matandaan nga nag-appoint ang ICC sang panel nga bug-usan sang tatlo ka medical experts nga amo ang maga-examine kay Duterte.
Nagpetisyon naman ang kampo ni Duterte nga i-disqualify ang isa sa ila, rason nga nag-siyu sang order ang korte sa Registry nga magpasa sang bag-o nga shortlist sang mga eksperto sa neuropsychology.
Nahibaluan nga ginapanindugan sang kampo ni Duterte nga indi na ini makasarang mag-atubang sa trial bangud sa iya edad nga 80-anyos.
Ginapahayag sang defense counsel nga malipaton na ini, indi na gani makadumdom kun ngaa didto siya sa The Hague, kag indi naman makadumdom mangin sa mga myembro sang iya pamilya.
