ILOILO CITY-Patay ang abogado ni the late Drug Lord Melvin Odicta Sr., nga si Atty. Edel Julio Romero, matapos ginluthang sa Culasi, Roxas City.
Si Romero, 50 anyos sang Molo, Iloilo City,  ang nagapanyaga sang ginpalapitan sang gun kag ginluthang sa ulo.
Ang biktima ang nag-angkon sang pilas sa likod nga ulo kag naglapos sa iya agtang.
Ang gunman ang nagasakay sa SUV nga grey kaupod ang lookout.
Nahibaluan nga si Romero ang ginpaidalum sa Oplan Katok sang Molo Police Station.
Si Romero ang High Value Target (HVT) Level 2 sa listahan sang Molo Police Station.
Gin turn-over man niya sadto ang  ginapanag-iyahan nga M16 rifle nga may 277 ka mga bala kag isa ka caliber 45 nga may 28 ka bala.
Magluwas sini, ginturn-over man niya ang caliber 9 MM Taurus nga ginapanag-iyahan sang common law wife ni Romero nga si Iris Tan.
Ginkumpirma naman sang himata ni Romero nga nagtambong pa ang abogado sa hearing sang iya kliyente nga si Stephen Teves nga isa man ka durugista, bag-o natabo ang krimen.