Dakop ang aborsyonista, menor de edad sini nga anak, kag duha ka iban pa sa duha ka separado nga drug buy-bust operations sa Balasan, Iloilo.
Ang una nga nadakpan amo si Alyas Madam kag 15-anyos sini nga anak nga lalaki sa Brgy. Balantian, Balasan.
Dakop man sa follow-up operation sanday Alyas Con, 38-anyos, kag Alyas Athan, 37-anyos, sa Brgy. Camambugan, Balasan, Iloilo.
Sa interview sang Bombo Radyo kay Police Captain Renzo Martinez, hepe sang Balasan Municipal Police Station, iya ginpahayag nga ginabanta tatlo ka bulan ang monitoring sa mga nadakpan.
Suno kay Martinez, ginahimo ang transaction ni Alyas Madam sa ila balay kag ginagamit ang iya sini 15-anyos nga bata bilang runner.
Nakuha sa mag-iloy ang P707,200 nga balor sang ginapasuni shabu.
Dugang pa sang natungdan, sa ila follow-up operation, nakuha ang P494, 363 balor sang ginapasuni shabu gikan kanday Alyas Con kag Athan.
Yara subong sa Balasan Municipal Police Station ang tatlo ka mga indibidwal nga legal ang pang-edaron samtang ginturn-over naman sa MSWDO ang menor de edad.
