Gin-aprubahan na ni Pres. Ferdinand Marcos, Jr., ang rekomendasyon sang Department of Education (DepEd) nga ibalik ang old school calendar.
Suno sa Presidential Communications Office, sa maabot nga school year 2024-2025 ang bukas klase ang maga-umpuisa Hulyo 29, 2024 kag magatakop sa Abril 15, 2025.
Ini nga tikang ang kasunod man sang reklamo sang publiko sa schedule sang klase.
Makapila ka beses naman nga ginkansela ang mga klase sa nagakalain-lain nga lugar sa pungsod bangud sa tuman kataas nga heat index.
“In response to public concerns on the schedule of classes, President Ferdinand R. Marcos Jr. on Tuesday approved to start reverting the country’s school calendar to the traditional arrangement,” pahayag sang PCO.
“Thus, the opening of classes for school year 2024-2025 will begin on July 29 this year and end on April 15, 2025.”
Ang klase naman sa school year 2025-2026 ang maumpisa sa Hunyo 16, 2025 kag magatakop sa Marso 31, 2026.
