Pormal na nga ginpirmahan ni President Ferdinand Marcos Jr. ang absolute pardon para kay Mary Jane Veloso.
Si Veloso ang nangin biktima sang human trafficking kag napreso sang 14 ka tuig sa Indonesia matapos maaresto sang tuig 2010 bangud sa pagdala sang heroin.
Death sentenced ang gindagdag kay Veloso antes ini nasalbar sa bulig nga apelar ni anay President Benigno Aquino III kay anay Indonesian President Joko Widodo.
Madugay na nga ginpahayag ni Veloso nga inosente ini kag wala siya nakahibalo nga gingamit siya bilang drug mule.
Sang tuig 2015, naislan ang iya nga death sentence kag sang Disyembre 2024 ginsaylo ini sa kustodiya sang Pilipinas.
Naka-detained si Veloso sa Correctional Institution for Women sa Mandaluyong City.
Paagi sa ginhatag nga absolute pardon, nangin dulaan na ang ginpasaka nga kaso sa iya nga nagahatag sang kahilwayan kay Veloso agud nga liwat sini nga makaupod ang iya nga pamilya.
