ILOILO CITY–Ginpanginwala sang Chairman sang University of Student Council (USC) sa University of the Philippines Visayas (UPV) nga may yara sang recruitment ang New People’s Army (NPA) sa mga estudyante.
Sa interview sang Bombo Radyo kay James Darryl Peñas, UPV – USC Chairman, iya ginpahayag nga wala sila ginahaylo sang mga organisasyon nga mag-upod sa NPA.
Suno kay Peñas, nagahatag lang sang kakulba sa ginikanan kag sa pumuluyo ang pahayag sang militar tuhoy sa Red October plot.
Ginakabig naman sang USC Chairman nga isa ini sa pamaagi agud ngaa pauntaton ang mga kabataan sa pagpatigayon sang rally.
Mas naga-init pa gid ng ulo sang kabataan sa subong bangud sa pagpato-pato sang istorya batuk sa ila.
Ginpasalig naman ni Peñas nga padayunon kag mas pabaskugon sang mga kabataan ang ila nga pwersa sa pakigbato sang ila nga kinamatarong.