Iloilo City – Ginpahayag sang Iloilo City Health Office nga nagakadapat nga may yara sang maayo nga access sa matinlo nga tubig ang Iloilo City.
Sa survey nga ginpatigayon sa syudad, 98.3% sang mga residente ang nagabakal sa mga water refilling stations sa baylo nga gamiton ang tubig sang Metro Pacific Iloilo Water nga amo ang water distribution utility sang syudad.
Sa interview sang Bombo Radyo kay Dr Roland Jay Fortuna, Medical Officer IV sang Iloilo City Health Office, iya ginpahayag nga ginatsikyar sang mga health workers ang mga bubon kag water tanks sang mga residente agud siguraduhon nga may yara sang matinlo nga tubig ang mga pumuluyo.
Suno kay Fortuna, nagapadyon ang ila pag-chlorinate sa mga barangay para siguraduhon nga safe ang paggamit sini.
Kaangot diri, ginpahayag dugang sang natungdan nga apisar matinlo kag potable ang tubig sang Metro Pacific Iloilo Water, ginkabalak-an man sini ang leakage sa mga tubo kag ang mga containers nga ginasudlan sang tubig nga posible contaminated.
Sa subong, strikto ang monitoring sang Iloilo City Health Office sa mga water refilling stations kun nagasunod ini sa guidelines sang opisina.
