JANIUAY, ILOILO – Nagapabilin sa kustodiya sang Janiuay Municipal Police Station ang Road Public Safety Officer sang Janiuay, Iloilo matapos nga aksidente nga may na-igo sa paglupok sang iya armas sa sulod sang Office of Administrator sa munisipyo sang banwa.
Ang suspek amo si Wilmer Mamon, 32 anyos, sang Brgy Aglubong, Janiuay, Iloilo samtang ang biktima naman amo si Mark Gales, 38 anyos, isa man ka Road Public Safety Officer, residente sang Brgy Tambal sa nasambit nga banwa.
Sa interview sang Bombo Radyo kay Pol. Maj. Dadje Delima, hepe sang Janiuay PNP, iya ginpahayag nga matapos ang pagpatigayon sang pagsinapol ni Janiuay Mayor Bienvenido Margarico sa mga myembro sang PNP traffic enforcers kag 17 ka mga Road Public Safety Officers, nahulog ang armas ni Mamon nagikan sa iya nga bag sa diin nalukpan ang nawala nga tiil sang biktima.
Ang armas nga naka-igo sa biktima amo ang 12 gauge homemade short firearm.
Nahibaluan nga nagtuga sang kakugmat sa mga empleyado ang natabo nga accidental firing sa sulod mismo sang munisipyo.
