ILOILO CITY – Ginkalipay sang Police Regional Office VI ang dako nga accomplishment sang kapulisan sa Western Visayas.
Sang nagligad nga Oktubre 20, nagdangat sa P224, 400 ang balor sang iligal nga droga nga nakumpiskar sa tatlo ka mga drug buy-bust operation nga ginpatigayon.
Nagdangat naman sa 17 ka mga persona ang arestado sa anti-illegal gambling operations.
May yara man sang isa ka most wanted person kag 45 ka other wanted persons nga nadakpan sa isa lamang ka adlaw.
Sa interview sang Bombo Radyo kay Police Major Mary Grace Borio, spokesperson sang Police Regional Office VI, iya ginpahayag nga ini ang nagapakita gid lamang nga nagatrabaho ang kapulisan sa Western Visayas.
Sa iligal nga droga, nagapakita lamang, suno kay Borio, nga epektibo ang kampanya sang kapulisan.
Nagpanawagan naman ang kapulisan sang suporta nagikan sa publiko.
